Зоран Јованоски	Коментари (121)

„Пријатно за вентилаторот, добредојде за албанскиот орел“. Видео клип со ваков натпис беше поставен, па по неколку часа тргнат од Youtube, од вчерашниот натпревар Напредок - Шкендија.

На него, македонското знаме било извадено и фрлено на земја.

На негово место е поставено албанското, кое се вее на двата јарболи на стадионот во Кичево, каде се одиграл натпреварот меѓу екипите од првата фудбалска лига.

Симнувањето на државното знаме, доаѓа по вчерашниот протест на група граѓани од албанска националност во организација на невладината „Разбуди се“, пред српската амбасада во Скопје.

Причина беше палењето на албанското знаме на фудбалскиот натпревар Италија - Србија во Џенова.

Од „Разбуди се“ порачаа дека со протестот нивните активисти покажале како се игра фудбал.

Но, како ли се играше вчера во Кичево?

Портпаролот на ФФМ, Зоран Николовски за А1 го потврди настанот и изјави дека ќе следуваат казни откако ќе бидат преслушани изјавите на службените лица кои присуствувале на натпреварот.

 www.a1.com.mk